"Oir is mór mé i bhfiacha ag Dia a bhronn orm an oiread sin grásta … gur oirníodh cléirigh i ngach aon bhall dóibh - do phobah, is é sin a bhí at teacht go nua chun creidimh agus a ghlac an Tiarna chuige o imill an domhain. É Cé mar a thárla in Éirinn, más ea, na daoine nach raibh riamh aithne ar Dhia acu .. cé mar a rinneadh pobal Dé dóibh le déanaí agus a ghlaotar clann Dé orthu; agus tá clann mac na nGael agus inionacha na ríthe le feiceáil in a manaigh agus in a maighdeana ag Críost?"
Cé chaoi ar thárla sé gur éirigh chomh maith sin le Pádraig mar mhisinéar in Éirinn? Ba bhreá le haon mhisinéar sa lá atá inniu ann go gcóimhlíonfaidh focail seo Phádraig ón a Fhaoistin in a shaol agus in a shaothar féin. Is léir ó na focail seo, agus ón iliomad sgéalta faoi Phádraig sa bhéaloideas, go raibh có-bhá agus
có-thuisgint aige ní amháin leis an bpobal i gcoitinne, ach le ríthe agus le taoisigh in Éirinn len a linn.
Bhí bua amháin ag Pádraig nach mbíonn ag misinéar an lae inniu: bhí teanga a phobail ar a thoil ag Pádraig, Easbóg, ón gcéad lá dá shaothar. Bhí sin aige mar gur fhoghluim sé an teanga ins na sé bhliana a chaith sé mar sglábhlaí. Tragóid a b'ea an sglábhaíocht seo ar leibéal na daonnachta; grá Dé agus plean Dé a bhí ann i leith a fhianaise mar mhisinéar, mar Easbóg.
I mBeathai an naoimh, agus i mbéaloideas Chaiseal Mumhan, tá sgéal áluinn faoi Phádraig agus Aongus, mac an rí; sgéal a léiríonn éasgaíocht na cumarsáide a bhí idir Pádraig agus uaisle na hÉireann len a linn. Tar éis dó clann an rí agus uaisle eile an cheanntair a theagasc, bhaist Pádraig iad. De thaisme, le linn an tsearmanais, sháith Pádraig cos Aonghusa le biorr a bhacaill. Sheas Aonghus bocht go ciúin, foighneach nó go raibh an searmanas thart. Agus nuair a d'fhiafraigh Pádraig de cén fáth nár sgread sread sé, seo é an freagra a fuair sé: "Mar gur cheap mé gur cuid den searmanas é!" Léiriú é seo, dar leis na sgéalta, ar cé chomh mór is a chuaidh teagasc agus pearsantacht Phádraig i bhfeidhm ar a lucht éisteachta. | | An tAthair Pádraig Ó' Máille SPS |
| | |  | | | | (courtesy of the Huntington Library, San Marino) |
| | List of subjects: | | | | | | |  | St. Patrick - Fact & Legend
|
| | | A Man of the Spirit |
| | By His Own Hand |
| | Driving out the Snakes
|
| | Pilgrimage to St. Patrick's Mountain |
| | | The Trinity |
| | Twin Pillars of Faith
|
| | | Ireland as St. Patrick found it
|
| | Irish Society at the time of St. Patrick |
| | St. Patrick's Missionary Society
|
| | A Great Stunt |
| |
|
|
|
|
|
